TUNDA TAMU WEE AKINYI

TUNDA TAMU WEE AKINYI.
Tunda tamu talitunda,pindi liwe limeiva,
Wazaziwe kinipenda,nilitwae ukambani,
Ya ujana tulitenda,kesho yetu twatamani,
Tunda tamu la siaya,langu tamu ni karamu.

Ngozi yako ya mchanga,onyesho kubwa Afrika,
Maji yako ewe tunda,sionjeshi mie mlafi,
Umelainika umbo,chupa wewe namba moja,
Langu tamu la siaya,tunda tamu nilitwae.

Wangu wewe wa dhamana,merembeka tunda tamu,
Nakuomba tunda tamu,utamu nihifadhie,
Siwaonjeshe waume,wayapenda ya bwerere,
Wewe wangu kimwana,fanani wangu rohoni.

Heshima yako napenda,fikira zako pendeza,
Macho nalazia mavazi,kujiremba mebobea,
Menitwika lako penzi,karidhika maridhawa,
Tunda tamu la siaya,langu tamu ni karamu.

Ahadi zangu tatimiza,heshima yako nadai,
Kumbuka tulipotoka,sije hata danganyika,
Roho yangu huipoze,penzi lako la waridi,
Tunda tamu la siaya,we mtamu takutunda.

Juju lako meninasa,sina mwingine naapa,
Mie maskini hohe,sio siri tunda tamu,
Na tajiri wa mapenzi,mwenzi wangu kunienzi,
Tunda tamu we Akinyi,kipepeo cha kelele.

                                                            KIMANZI JAMES KILONZO
                                                                 "MALENGA KELELE"

                                                                     www.google.com